| تبليغات | X |
|
شعر چلنگی
|
||
|
تورکجه مدرن دويغوسل وب صايفا |
کیم آسدی سئوگینی دارا
کیم آسدی سئوگینی دارا؟
آیاقلادی اوریینی،
حسرت قویدو یاری یارا.
کیم بوغدو سئودانین سسین؟
زنجیرله دی اللرینی،
چالدی شؤوقون، هم هوسین.
کیم کسدی عئشقین قانادین؟
قارالادی گؤزلرینی،
آلدی اوندان یاشام دادین.
کیم یازدی سئوگییه یاساق؟
دوستاقلادی عاشیقلری،
قوردو مین بیر حیله دوزاق.
کیم اؤلدوردو قیزیل گولو؟
قانا چکدی لچه یینی،
آغلار قویدو شن بولبولو.
|
