| تبليغات | X |
|
شعر چلنگی
|
||
|
تورکجه مدرن دويغوسل وب صايفا |
"والئنتاين" گونو هاردان گليب ؟
بو گونلرده گنجلر آراسيندا" سئوگيليلر گونونه " عايد دانيشقيشلارين شاهيدي اولوروق.
" سئوگيليلر گونو " جاوانلار آراسيندا بو گون اوز يئرين آرتيق توتمادادير بو گون کيم داها چوخ سئوديييني گؤسترجکدير. اللر جيبلره گيرير. کيمي داها چوخ پول وئرير، کيميسي هديه... اصلينده کيملر قازاناجاق؟ طبيعي كي ساتيجيلار هاميدان چوخ قازاناجاق... زاواللي اينسانلار دا بير-بيريندن گئري قالماماق اوچون پوللاريني ايصراف ائده رک " سئوگيلريني " سئوديکلرينه گؤسترميه چاليشير
دؤنوب تاريخه باخاق بو گون هارادان گليب؟
سئوگيلر گونونون باشلانغيج تاريخي قديم روم ايمپئراتورلوغونا قدر اوزانير. قديم رومادا 14 فئورال گونو بوتون روم خالقي اوچون اؤنملي بير گون ايدي. چونکي بو گونده روم " تانري " لاري نين کراليچاسي اولان ژونويا دويولان حؤرمتدن دولايي تعطيل اولاردي. ژونو هم ده روم خالقي طرفيندن قادينليق و ائوليليک " تانري " سي اولاراق دا بيلينيردي. 15 مارت تاريخينده ايسه لوپئرکاليا بايرامي باشلاييردي.
بو بايرام، خالقين گنجلري اوچون بؤيوک اؤنم داشيييردي. هانسي گنج اوغلانين هانسي سا بير قيزلا بير يئرده اولاجاغي لوپئرکاليا بايراميندا بللي اولوردو.
روملو گنج قيزلار آدلاريني کيچيک بير کاغيذا يازيب بير قابين ايچريسينه آتيرديلار. اوغلانلار ايسه اورادان آدلاردان بيريني گؤتورورديلر. بئلليکله ده، بو بايرامي آدي کاغيذدا يازيلان همين قيزلا بير يئرده کئچيررديلر. بير يئرده اولان گنجلردن بير چوخلاري بايرامدان سونرا عائيله قورارديلار.
روم ايمپئراتورو 2-جي کلاديوس روماني اؤز قانونلاري ايله ايداره ائدن ظاليم بير حؤکمدار ايدي. اوردوسو اوچون ساواشان عسگر تاپماق اونون اوچون ان بؤيوک بير مسئله ايدي. ايمپئراتورا گؤره، بونا سبب روملو کيشيلرين سئوديکلريني و عائيله لريني ترک ائتمک ايستکلري ايدي.
بونا گؤره ده، او، روم داکي بوتون ائوليليکلري اورتادان قالديردي. والئنتاين دا او زامان رومادا ياشايان بير راهيب ايدي. اؤزو کيمي بير راهيب اولان ماريوس ايله بيرليکده، ايمپئراتورون قاداغاسينا باخماياراق، گنجلري ائولنديرميه گيزليجه داوام ائديرديلر. بير موددت سونرا ايمپئراتورا بو خبر گليب چاتير. گنجلري ائولنديردييينه گؤره والئنتاين حبس ائديلير و سونرا اؤلدورولور. ميلاددان سونرا 269-جو ايل 14 فئوراليندا والئنتاينين دفني اولور. بو عرفه ده بوت پرستلر رومادا فئورال آييندا اؤز " تانري " لاري اوچون قئيد ائديلن لوپئرکاليا بايراميني کئچيريرديلر.
خريستيان کيلسه سي نين ايلک قورولدوغو دؤورلرده خيدمت ائدن راهيبلر، بو مراسيملردن، خوصوصيله ده ائولنمه ميش گنجلرين بوت پرستلرله بيرليکده خاطيرلانماسيندان راحاتسيز اولدوقلاري اوچون بير چيخيش يولو تاپديلار. لوپئرکاليانين باشلاديغي گونو " والئنتاين گونو " اولاراق بايرام ائتمه يه باشلاديلار.
اوخودوغونوز سوزلر والئنتاين حئکايه سي و هاردان گلمه سين خاطيرلادير بوگونون قئيد اولونماسي نين بيزيم فلكلور وكولتور باخيمدان هئچ بير اساسي يوخدور. بو، سادجه تيجارت خاطيرينه ائدي لن بير اويوندور. اؤنملي اولان نه سيز، نه سيزين سئوگينيز، نه " موقددس والئنتاين دير " . اؤنملي اولان سيزين بو گون نه قدر چوخ پول خرجله مه ينيزدير.
بو گونو قئيد ائدن اينسانلارين چوخ حيصصه سي بو بايرامدان خبرسيزديلر. تاسسوفلر اولسون کي، حاضيردا بو بايراما قارشي اولمالاري گؤزله نيلن تورك خالقي دا فرقلي داورانماديقلاري نين شاهيدي اولوروق.
|
