|
شعر چلنگی
|
||
|
تورکجه مدرن دويغوسل وب صايفا |
پاييمي دانديز !!
شريفه جعفري
داها قاييديرام گلديگيم يولدان
داها كولگه مي ده گؤرمه يه جكسيز
محببت گتيرديم پاي اوره ك - اوره ك
خياليزدا مني ديلنچي سانديز
دئديز آزمايينجا يازماقدا اولمور
آزديز
يازديز
شعير ياراتديز
اوزوزه گلندن سونرا ، دين كيمي
دونيانين تهمتين قادينا ياخيب ،
پاييمي ، عشقيمي
اؤزومو دانديز ...
...............>latince burada oxuyun
نئچه شعر
نرمین کمال
فرق يميز يوخدور
هاميميز آچار ايتيرميشيک
اؤلميه جه یيميزی دوشونموشوک
خئيری يوخدور
سس وئره جه یيک
.......> latince burada oxuyun
يازينين آردين بورادا اوخويون
نییه یاغیرسان یاغیش؟؟؟؟؟؟؟؟
آی سل علی ایوا
نییه یاغیرسان یاغیش؟
سن کیمین گوز یاشیسان؟
بوش چیخان اومیدلره
یوماغا چالیشیرسان؟؟
يازينين آردين بورادا اوخويون
دولو سئویشمه نین آردی...
ماهنی زنگانلی
اوتانجینی بوش وئر
کندینی بانا بیراخ
دوغروسون ایسته رسن،
ایللر بوندان اؤنجه گؤمدویوم
بیر خایالیدین...
يازينين آردين بورادا اوخويون
خايين باخيشلار
گولناره ائلیارقيزی
بير رئسمين وار اليمده،
بو گون مين کز باخميشام.
سندن ايزين آلمادان،
چيله ک دوداقلاريندان
اؤپموشم،قوخلاميشام.
يازينين آردين بورادا اوخويون
بوراخ اوره ييمي
آي سل تورك قيزي
بوراخ اوره ييمي
قوي سئوير ، سئوسين
گولور ، گولسون
گووه نير ، گووه نسين
يازينين آردين بورادا اوخويون
دؤرد شعر
توركان اورمولو
1
نيسگيل داشير اورييمده ...
سيگاراسيز!
شارابسيز!
داغيليرام کئفلي گئجه نين گؤزلرينده
ايشيقسيز!
گئجه...
پنجره...
يازينين آردين بورادا اوخويون
سنی من یاشادیرام
ساوالان قيزي
روحوم هر گئجه سنین یانیندا
و دوداغلارینی ...
منه پای وئریر
يازينين آردين بورادا اوخويون
شئعرلر
توركان اورمولو
1
تامام جانیم
بوشلادیم گؤزلرینی
بو پنجره
بو دا من
يازينين آردين بورادا اوخويون
رٶيا
شبنم باقرزاده
رؤيامدا گؤردويوم
قارا حيجابلي چيركين قادين
تانرينين وئردييي هئچ نهيه
لاييق دئييلسه ن دئدي
ائله او آن آييلديم
و دوشوندوم سحره قدهر
هئچ نهيه لاييق دئييلميشه م
حقيقتن ده
آناما
سئوگيليمه
دوستلاريما
قزئتيمده چاليشان اينسانلارا
مني سئوه ن اينسانلارين
هئچ بيرينه
هئچ بيرينه لاييق دئييله م
تانريدان مي گئلدي
بو مئساژ رؤيادا بيلمه م
كيمسه منه اؤيره تمهدي
ياخشي اينسان اولماغي
هامي سادهجه سئودي مني
سئوديلر سئوگيلرينه لاييق اولمايان بيريسيني
من هئچ تانريمي بئله سئوه بيلمهديم
سورغو
زهرا نظرنژاد «داملا»
يالان دانيشسان
تانري اَتيني شيشه تاخار !
اوغرولوق ائتسن
تانري اَتيني شيشه تاخار !
عوصيان ائتسن
تانري اَتيني شيشه تاخار !
يوخسا تانري
بير منيم اَتيمين آجيمييدي ؟
كي ايندي ايستهمهدن عوصيانا چاتيرام .
شعر دئييل بونلار
زوققولتو ماهنيسيدير آغرييلاريمين .
دينله گوجون وارسا
من بؤيله ياشاميشام آنا !
اونوت دئدييين
ياشاماديغيم آرزولارا نيسگيللنمهميشم
و ياشاميمي ايتيرميشم
ايتگين اورهييمين واراقلارينين اورتاسيندا
من بؤيله ياشاميشام آنا !
دوداقلارينين بيتمز هوسيندن
اييرندييم دونيايا اؤپوش اؤيرتميشم
بؤيله ياشاميشام آنا !
بير تيكه چؤرهيه مين تندير قابار ...
دء بونلارين حسابيني كيمه سوروم ؟
من كيمين اَتيني شيشه تاخا بيلهرم ؟
كيميني ساللاغا چكهبيلهرم ؟
هلهليك
اؤزوم ـ اؤزومه داراشميشام
من
ان ويجدانليسي
اؤنجه اؤزومه داراشميشام
و سونرا
سونراسيدا سنده آنا
آنا !
آمان دير
ديرناقلاريني چئينهمه
بير گئجهليك چؤرهييم آز گلر بيردن
و ساساديغيم زامان
شاه داماريني دوداقلاريما باغيشلا سن
آنا لوطفن ...
من بونلارين حسابيني كيمه سوروم ؟
تانرينين ديلي يوخ ،
يالنيز سس سيز بير كؤتك آغاجي وار
دونيا ايسه ويجدانسيز بير قضاوتچي
من بونلارين حسابيني كيمه سوروم ؟
|