دوغوش

                    دوغوش

اویاق

 

سوس دئيير

دوداق‌لاري بير- بيرينه تيكن بارماق

آغريلار آنا ايله بورولسادا

كيمسه دن سس چيخمايير

...
آز سونرا

بير كؤرپه

ديريلرين حالينا آغلايير.

ایسته میرم

 

ايسته‌ميرم

اوياق

 

يوخولاريمي قايتار

شعرلر‌يمي ياندير

داريخمالار كولومو يئله وئر

آنجاق اوره ييمي ...

يوخ

قايتارما ايسته‌ميرم .

                    ........... > Latince burada oxuyun

اوچ قیسا شعر

 

اوچ قيسا شعر

اوياق

1

بيز زامان آرديجا قاچيريق

يوخسا زامان اؤلوم آرديجا

آنجاق بو قاچ ها قاچدا

بيز عؤمور ايتيريك

او عؤمور تاپير

                                     ...........>  Latince burada oxuyun

گئجه لر

 

                    

 

     گئجه لر

      اوياق                              

 

خيالين باشيمدان كؤچوب گئتمه يير
درديني درديمه قاتير گئجه لر
هيجرانين شوم اوزو گؤزدن ايتمه يير
سونگو تك كؤكسومه بايتر گئجه لر

چوخ آغير سس سيز جه اؤتور دم لريم
تكليگي دويدوقجا آرتير غم لريم
قورومور گؤزومده قانلي نم لريم
سيزيلتيم گؤيلره چاتير گئجه لر

 

گؤزمون چاييندا يانير آخيشين
خيال دونياسيني به زير ناخيشين
اؤزو ايله آپارير مني باخيشين
بير دنير معنايا آتير گئجه لر

 

نه يامان يورولور سنسيز چاغلاريم
آجيشير كؤنلومده نيسگيل داغلاريم
سولوب سارالاندا آرزي تاغلاريم
خيالين قوينومدا ياتير گئجه لر

 

توخانيب كؤكسومه آيريليق اوخو
گلميرسن ،‌ گلمه يير گؤزومه يوخو
هيجرينده اؤتوبدور اومودون چوخو
آزي دا ايتيبن باتير گئجه لر

گوندوزلر سس سيزجه اودورام دردي
سنسيزيم بو عؤمور منه هدر دي
هيجرينده اوياق ين حالي بتردي
گل گولوم ،‌ واريني ساتير گئجه لر

بیز...

     

( بــيـــز ... )     

    اوياق                  

 بـيلـمم نيـيه شيـطانـلارقـدرت وئـريـريـك بيــز

اينـساني اَزيـب حـيوانــا قيـمت وئـريـريـك بـيـز

الدن گئـده ن اينسـانليـغا ياس تـوتمـاييـب آممـا

دوزگون گئيينيب اوز ـ گؤزه  زينت وئرريـك بـيـز

غيرت ائله قاچقيـن دوشـوب اينسان دامارينـدان

اوز حـاققـيمـيزي آلماغا ، روشوت وئريريك بـيـز

هر درده  دوزه ركن دئييريك چاره سي يوخدور

ميـن يـاره ووران ظـاليمـه فرصت وئريريك بـيـز

پـروانـه سـايـاق فيـرلانـيريـق وارلـي باشـينـدا

پـولسوز ـ پاراسـيز مظلـومـا ذلـت وئريريـك بـيـز

خـائـن دولانــيـر ، خـــــادم آديـلـه آرامـيـزدا

مين اَيري لره گؤر نه قـداســت وئريريـك بـيـز

اؤز تورپاغيمـيز وارسـا دا  غوربتــده اسـيريك

آواره لـيـــگي طـالـعـــــه نسبـــت وئريريك بـيـز

يانليش خيـاليلــه نه شيريــن اويغــو ايچينــده

ديـلسيــز داواري قــــوردا امـــانـت وئريريك بـيـز

ائل باغچـاميـزين گوللري كـوكـدن قـورومــاقـدا

يـاد گـوللــرينـه گونــده طـراوت وئريريك بـيـز

بير چاره بولاق شانلي حيات تاپماغا خاطير

يئرسيــز ياشــاييـب جانـلارا زحـمت وئريريك بـيـز

یاغمور یاغیر

                           

ياغمور ياغير                                        

 

اویاق 

 

ياغمور ياغير

حزین سسین پیچیلدانیر

دویغو بویلو پنجره مده .

دینله ییرم نفسینی ؛

دولماداسان جییه ریمه .

یوللانیرام ؛

- ياشيل دونلو سئوگيميزين دونياسينا ،

اومودلریم نفس آلیر داماریمدا

گول آچیسان اوره ييمده .

...

ایچ دونیامدا ،

 نور بوداغین توتور الیم .

ياغمور ياغير

...

 

اوخو منی

 

اوخو مني                                      

 

اوياق

 

اوزاقلاردان اوتمه بؤيله !

                      آراميزدا

                          آيريلغين يارالاري درينله شير

اوستوموزه آغير حسرت سازاقلاري اسه – اسه

                                  صاباحيميز سرينله شير

اوتوب كئچه ن گوندن بري سايماز يانا ؛

 گوزلريمي آدديمينين ايزي ايچره

                              يايديم يئره

                                 بلكه بير‌ آن قاييداسان

حسرتينده ن اويوم – اويوم ،

                   اويولدوم كي ؛

                   گوزلريني كال دويغودان آييلداسان

اوخو مني ؛

          اوخو گولوم !

سوزلريمين گوي قورشاغي

               سوسله يه جك گوزلرينين

                         گوزه ل گزه ر ماوي گويون .

 

 قوروق                

 

اوياق

 

چيلپاق فيكير

              پايئز يئللي اَيري اَللر

شَن روحومون

               ياشيلليغين

               طراوتين

              بار بوداغين

ـ قارانليقدا اوغورلوغا گئدنلر تك ـ

              سيل ـ سوپور ائتمه‌سين دييه

اوره‌ييمله بورويورَم

وارليغيملا قورويورام .

سوزالان شام

 

                

        سوزالان شام                              

 

         اویاق

 

شاشقين باخير

كؤكسونده كي آنداجلاري چيرپينار كن

سس سيز ، سؤنسوز

آنيلمياز بير اينتيظاردا ...

دويغو اريش آرقاجلاري

باخيشيندا سوسلنمده

آن لاريني ياشاييري

پاييز دولو اللرينده

ياشيلليغين ايتيره ركن

اؤز ايچينه شوملامادا

كئچميشيني واراقلايير

سون ايشيغين ياشايان شام .

                                            *****

 

ايتگي                                       

اوياق 

 

آنيلمازين سوكوتومون دونياسيندا

مهربان بير اينسان الي

- هر دان چاغي -

اوره ييمين قوپ - قوروموش خزللرين

سوپوره ردي

....

ايللردير كي بو ايتگينين آراماقدا

ايتيره ركن اؤزلويومو

اونون آيدين گولوشونده آخمادايام .

 

 

کند شاعیری

 

كند شاعيري                                                

                                      

عشوه ‌لي آي

خومار گؤزلو بير قيزا تاي

نازلانيردي بير گئجه نين گرده ‌يينده

ده لي سوولو ياز هوه سلي بوز بولودلار

اوردو ـ اوردو ، ايديريملي قيهالارلا

دؤرد بير نالا چاپيرديلار

بو دورومدا

بوسات قوروموش كند شاعيري اؤز ايچينده

خياللاري بير بيچيمده

اونا؛

« دورو گؤز ياشي تك ، آجي آنجاق سرخوش ائدن »۱

حال وئرر كن

سوي بزكلي سؤز باغينين

كرديسيني آلاخليردي

دوداقيندان شئعرين گولو بوي آتمادا؛

اوخويوردو:

«صاباح گلسه بيچيم واختي

كنديميزين تايالاري

نغمه ايله قالاناجاق

بركتين آل شرابي

عؤمورلره جالاناق»

                                             (اوياق)

ــــــــــــــــــــــــــــــــــــــــــــــ

۱ – « م . اميد» اخوان ثالث‌دن اقتيباس

یئنی سلام

 

یازین یاشیل ماهنیسی قولاقلاری سیغاللاییر عطیرلی نسیم شئلی الی ایله گول دفترین واراقلاییر . ماوی یاشماق بولاقلارین پیچیلدیسی قیش یوخوسوندان آییلان یئرین اوره یین اوخشاییر .

سویوقدان دوداقلاری چاتلامیش آغاجلار یازین گلیشیندن سئوینجک اولاراق چیچکلی گولوشلرله اونو قارشیلاییرلار.بو صحیفه ده سیزینله بیرلیکده باهار پئشوازینا گئده مه لیدیر.

اولسون کی بو یئنی ایلده بوتون دونیا خالقیلاری خصوصیله تورک مللتی اوز وارلیقین منیمسه یه رک باش اوجالیقلا عومور سورسونلر . یازین گلیشیله بیرگه (شعر چلنگی) اوخوجولارینا شن یاشایین و بارلی بهره لی گونلر آرزیلاییر .

 

 

يئني سلام

 

ساعاتيمين عقربه سي

                  اوٍره ييمين ،‌

                         غمدن شيشميش نيسگيللرين ،

                                                بير ـ بير دئشير .

اؤز ايچيمده دانيشمالار

                             حياتيمين

                                         ايپين ائشير .

 

يالقيزليغين چپرينده

                         دوستاقام من

                                   دانين يئرينين سوٍكولمه سين

                                                           گؤزله ييرم .

يوْرور مني 

           سوسمالارين آغير يوٍكو

                         ـ چاليشيرام ـ

بو داريسقال قفسيمدن ,

                        جان قوُرتارام ، اوچوب ـ قاچيم

 يئني ، يئني سلام لارلا

                          دوْداغلاردان

                              سكوت وٌوران قيفلاري

                                                    بير ـ بير آچيم

                                                                          ( اوياق )

شطرنج موهره سی

 

شطرنج موهره سی                                     

 

اؤزونو دوي !

             دوروب آلين صايفاسيني اؤزون باغلا

          دهرين اسكي قورقولارين داغيت داغلا

دؤنرگلر آخارينا قوشما جاني

       دؤن كندينه آن هر آني

سياستين قوماريندا

                    اونلارسني تانيمازلار

فيكيرلرين شطرنجينين عرصه سينده

                                   اويون اوچون بير موهره سن

يوزلر بلكه مينلر كره‌ن

                        اويناديليب ديشارييا آتيلارسان

                        مطلحتلر اوزرينده ساتيلارسان

                                 اؤلموشلره قاتيلارسان

..................

             آن بير ؛ نه سن

   هر يئته‌نه بير موهره سن

                                                                 (اوياق)

 

آغاج - کولگه و ایشیق

 

آغاج

 

بوداق ـ بوداق ايستك‌لندي

آغاج اولدو گويچك‌لندي

يارپاق ـ يارپاق كوينك‌لندي؛

                               چيلپاقلانيب تؤكولمه‌سين

          بارآلتيندا بئلين اَيدي؛

                                هر يئل‌ايله بوكولمه‌سين

نه يازيق كي تالاشينا ؛

                          باش قوشمادي گوز ايله قيش

                            كيم ائتميشدي اونو قارغيش.

***

                                                         (اویاق)

 

           كؤلگه و ايشيق       

 

آغير بير سوكوتا بورونوب يول‌لار
گؤزلريم آرخامي آرايير گلير
قارالتي نئشتري صف ـ صف دوزولوب
 اولايلارتئليني دارايير گلير

اؤتورم يول‌لاري كؤلگه‌لر ايله
كؤنلومو اوخشايير ، اؤزگور  بولودلار
عؤمورلر گميرن قوردلار اولاشير
منيمله يولداشديرگوجلو اومودلار

آرخامجا سورونسه قانلي كؤلگه‌لر ،
قوْي دولسون بو ساياق عؤموردفتري .
كؤچدوكجه قارانليق دان اوزو گولور
باشلاردا پارلايير بيليك اختري .

كؤكسومده چاغلايان هوسلي اوره‌ك؛
گونشي اَمركن ايشيق دوغاجاق
گئتمه‌سه كؤلگه‌لر گؤرونمزلره
ايشيقلار اونلاري بير ـ بير بوغاجاق

                                                                       

                                                                     (اوياق)

اوز ایچیمیزده بولونمه یک

دوشونجه لي دوستوم :

بيز ايندي تاريخين سونون يوخ ويجدانين اؤلن دوورانين سوروروك ، اينسانليق مسخ اولوب ، عاقل و حقيقت  چيراغينين نورو آزالمادادير ، ييرتيجيليق ، اؤز ايسته مه لر ، منمليكلر ، لطيف احساساتي و هاميني سئومك حيسسيني اوركلرده اؤلدوروب بير بئله ياسالارين ( قانون ) ايچينده هله ده مئشه ياساسي ( قانون جنگل ) حوكم سورور . باشقا كوره لرين سيررينا ال تاپماق ، گويلري ياريب داليسيجا اينسانا آلچاق گؤزو ايله باخماق اينسان اولماغي سورغو آلتينا آپارير .

بئله بير زاماندا بير ـ بيريميزه ياخينلاشماق ، حياتي دريندن دويماق ، اينسانا دوشونجه سي قدر حؤرمت قويماق ان ايلكين گؤره و لردندير ( وظيفه ) . نه ياخشي كي بئله اولوب اؤز ايچيميزده بؤلونمه يك .

 

                   دوشمه سين

 

بير شيرين سؤزلر يازاق،ديلدن دوداقدان دوشمه سين
ائيله واختيندا دَره ك بو بار بوداقدان دوشمه سين
ائل سئور انسانلارا اولماق گره ك داغ تك داياق
اؤز يولوندان قالماييب ، بير آن آياقدان دوشمه سين
عشق ، او معنادان ساري بير نغمه لر ساز ائيله يك
اؤلكه ده بير كيمسه نين ذوقو داماقدان دوشمه سين
دينله سين جانلا ، قولاقيله بو ائل ميضراب سسين
ساز دولانسين اَل به اَل بو سس چانداقدان دوشمه سين
قايناسين طبعي بيزيم شاعيرلرين هر ساحه ده
سيرغايا دونسون قيزيل سؤزلر قولاقدان دوشمه سين
جانلي ـ جانلي تابلولار ترسيم اولونسون شعرايله
فيكريدن زينت آليب گؤزدن ـ بوياقدان دوشمه سين
چاغلاناندا شاعيرين طبعي دوغار اَنگين اثر
اوستاديم ،‌پيريم!«مغان» ين شعري چاغدان دوشمه سين
گل« اوياق » تك كونلونو سوسله بوتون سيرداشلارا
ائل سئور ، مهمان سئور بو ائل قوناقدان دوشمه سين

 

یانمیش دیلکلر

يانميش ديلكلر

 

گؤيوٍن موُبارك

                قه‌هريْ له ‌بيْرگه

گؤزلريْمده

           ميْنلر بوُلوُدلار

                            اوْينايير

اوْندا كيْ

         دوُيغوُ يئللريْ

                          حيات چيْچكلريْن

                                                 توُمارلايير

باخيشلاريم

             خاطيْره‌لر باخينجاسينين داليسيندان

             يٌاشام ايْيٌــيْ وٌئــرن تابــلولار اوٍستــه

                                                        دايانير     

.......... بيْر آن قاييديرام ايْچيْمه

آه اي ... يانمــيش ديْلـكلـــر

آه اي ... كوٍل اوْلموُش ايْستكلر

تبريز ـ 23/7/82